Elis ønskjer fleire nye tilsette velkommen. Rekruttering av kompetent og lærevilleg arbeidskraft er blant dei viktigaste grepa vi tar for å heve servicenivået overfor kundane våre.
Øyvind Nordal (55) er tilsett som Key Account Manager (KAM) i Elis. Han kjem frå stillinga som sal-, marknad- og partnaransvarleg i Client Computing Norway AS, og startar i jobb hos oss i juni.
I august/september startar ei rekkje nye medarbeidarar i Elis:
Leif Jarle Espedal (39) har sidan 2005 jobba i Telenor Mobil som kundekonsulent, og sidan 2008 vore Fagansvarleg for provisjonskøyringar. Han har gjennomført kurs i prosjektleiing ved BI og deltatt i Talentprogrammet til Telenor.
Kjersti Engvik Nygaard (34) har ein allsidig utdanningsbakgrunn frå universiteta i Bergen og Oslo. Ho har tidlegare jobba i Finansdepartementet, IKAH og SIU, og kjem frå stillinga som konsulent i ErgoGroup.
Peer Jakob Aukland Bridge (34) er utdanna høgskulekandidat økonomi/administrasjon og bachelor elektroingeniør (mekatronikk/ automatisering). Han har yrkeserfaring frå bedrifter i Norge og utlandet.
Håvard Korsvoll (34) har masterutdanning i elektronikk frå NTNU. Han har jobba som Analog Design-ingeniør i selskapa Nordic Semiconductor, Chipidea Microelectronica og Arctic Silicon Devices.
Leif-Arne Skaar (48) er tilsett som ny medarbeider innanfor området økonomi/personal. Han kjem frå stillinga som økonomisjef/leiar intern drift i Fjaler Sparebank.