Nets og Elis AS har felles kundar i energibransjen i Norge. Elis leverer CRM- og prosessystemet ElWin, medan Nets er ein leiande leverandør av løysingar for betalingsformidling og elektronisk sikkerheit. Saman har partane utvikla eit grensesnitt mellom ElWin som kunde- og forretningssystem, og Nets si produktgruppe TrustSolution. Selskapa ønskjer gjennom implementering av elektroniske signeringsløysingar å dekkje eit aukande behov i marknaden.

”I samarbeid med Nets skal Elis dekkje eit veksande behov i marknaden for elektronisk signering. Digital signatur forenklar i stor grad handteringa av mellom anna kontraktar og rapportar. Eg er trygg på at vi gjennom eit samarbeid vil kunne gjere Nets sine løysingar til ein integrert del av vår programvare,” seier administrerande direktør i Elis, Johnny Haugsbakk.

”Vi i Nets er meget glade for at Elis nå gjør det mulig for energibransjen enkelt å ta i bruk mulighetene ved elektronisk signering. Vi vet at mange bransjer og bedrifter har suksess med dette og spart betydelige mengder papir, tid og kostnader. Vi har stor tro på at det samme vil skje i energibransjen,” seier Lars Mikkelsen, Business Manager i Nets.

Om Nets
Nets er eit av Nord-Europas største selskap innanfor betalings- og informasjonssystem. Konsernet, som årleg handterer omkring 5 milliardar transaksjonar, er eit resultat av ein fusjon mellom danske PBS AS og norske Nordito AS, som tidligare var morselskapet for BBS og Teller. Hovudkontoret er plassert i København, med eit sterkt kompetansesenter i Oslo og avdelingskontor i Stockholm, Helsinki, Glostrup, Århus og Tallinn.

Om Elis AS
Elis leverer CRM- og prosessystem for energibransjen. Selskapet er ein av landets leiande leverandørar i den norske marknaden. Programvara ElWin vert nytta til ei rekkje oppgåver og tenester i om lag 90 norske kraft- og nettselskap. Elis vart etablert i 1992, har hovudkontor i Dale i Sunnfjord og består i dag av 63 tilsette.

Avtalen vart signert 21. september 2010.

Kontaktpersonar
Administrerande direktør Johnny Haugsbakk i Elis AS, tlf. 57 73 99 70 eller 91 59 52 10
Business Manager – eSecurity Lars Mikkelsen i Nets, tlf. 99 72 01 12 www.nets.no